【Mirror 成員盧翰霆 Anson Lo單飛新歌《Mr.Stranger》化身吸血鬼迷倒一眾歌迷 】
請Like我哋個Page：
Anson Lo單飛新歌《Mr.Stranger》MV面左世啦！唔知呢兩日放假大家有冇喺屋企不斷睇隻新MV呢？！
繼舊年《Megahit》大獲好評，仲攞到首支個人冠軍歌同埋三台冠軍歌曲後，Anson Lo 終於再推出新歌啦！ 佢今次新歌大玩百變造型， 化身高貴迷人嘅吸血鬼，。
MV入面更佩戴多款 BVLGARI 珠寶配襯吸血鬼造型。 除咗佩戴 蛇形頸鏈同戒指外，今次新歌佢仲挑戰左同真蛇合作拍攝。
從來冇接觸過蛇嘅Anson Lo表示， 一開頭其實都有啲擔心怕危險，但到真實接觸嘅時後發現原來冇想像中咁驚，只係要過自己心理關口， 而且蛇仔都好乖好合作拍攝。
BVLGARI SERPENTI系列嘅設計重點在於擁有魅惑眼神的珍貴蛇頭，變化萬千，展現多方面的迷人風采。所以Anson Lo 今次都為咗更加完美演繹吸血鬼嘅呢一個造型特別帶咗紅色嘅隱形眼鏡， 呢副隱形眼鏡同平時戴開嘅有少少唔同，偏硬好多透氣度亦冇咁高， 為咗呈現最好嘅一面俾各位歌迷睇，佢表示為拍MV頂幾個鐘都OK。
繼舊年《Megahit》所掀起嘅「Uh-Oh」手勢熱潮之後， 今次新歌就設計左全新嘅手勢，無論節奏難度都比之前更高，大展舞技，相信大家都睇得好過癮！
唔知今次新歌全新舞步手勢會唔會又喺香港掀起一股熱潮呢？
請Like我哋個Page：
你也有精彩的人和事跟我們分享？想查詢廣告合作？請Inbox話我哋知！
Leave a Comment