【衝出香港】MIRROR登陸馬來西亞？隔空同當地藝人合作 改編《All in One》做賀年歌
請Like我哋個Page：
之前喺叱咤入面姜濤誓言MIRROR要做亞洲第一，當然講過嘅嘢就唔係無行動，其實上年佢哋都同台灣娛樂圈喺歌影視方面有唔少合作。而適逢新年，MIRROR繼聖誕歌曲《12》之後再度送上驚喜畀鏡粉。佢哋接受馬來西亞ASTRO電視台邀請，隔空同當地藝人合作，將自己嘅歌曲《All in One》改編做賀年歌，同鏡粉一齊喜迎虎年。
幾位成員喺MV入面都好鬼馬，載歌載舞外又扮曬鬼臉咁。佢哋喺珍寶海鮮坊入面取景，12子著曬賀年唐裝，喺好華麗嘅大廳度唱跳《All in One》同賀年歌曲《恭喜你》、《祝福你》。最有心機係佢哋揸住用佢哋個名黎組成嘅賀年字句揮春同各位觀眾拜年。分別係柳轉乾坤(Jer)、加官進爵(Edan)、愈LO愈掂(Anson Lo)、虎虎生威(Tiger)、招財縉寶(Stanley)、學業駿步(Jeremy)、財賢廣進(Ian)、大展鴻濤(姜濤)、新年快LOK(Lokman)、和氣生財(Anson Kong)、金虎獻瑞(Frankie)同德心應手(Alton)。
其實今次係同馬來西亞電視台ASTRO合作，ASTRO都派出當地數位藝人隔空同MIRROR一齊完成呢個表演，更有唔少馬來西亞網民留言話鍾意MIRROR，由其姜濤有唔少人氣，佢哋都表示好希望疫情完結後MIRROR快啲去馬來西亞!
請Like我哋個Page：
Leave a Comment