【柳柳粉睇咗未？】Jer新歌《MM7》MV公開！首次挑戰戴Colour Con + Gel甲 破格造型大獲好評！

 

請Like我哋個Page：

生活提案事務所 Lifenews HK

MIRROR成員Jer唱功了得，過去嘅「物語三部曲」同「重生三部曲」都非常高質！踏入2022年，Jer亦非常勤力，喺上月底就推出咗今年第一首Solo曲《MM7》，而MV就係初七「人日」公開。出道初期怕醜靦腆嘅Jer，今次挑戰多個破格造型，除咗髮色換上搶眼嘅銀灰色，更首次挑戰戴Colour Con同埋Gel甲，型格十足！

（圖片來源：MIRROR @YouTube）

Jer接受訪問時提到，MV入面嘅4個造型，包括音樂狂人、Theatre Jer同埋未來兒童，其實都係佢自己。雖然平時大家會覺得佢比較內向，但其實佢嘅內心世界同埋性格都非常多變。Jer希望透過呢首歌，勸勉大家要同內心世界嘅自己共存，要勇敢做自己。

（圖片來源：MIRROR @YouTube）

而柳柳粉們亦都非常受落，大讚Jer今次嘅作品令人耳目一新，稱得上係「藝術品」，仲話歌如其名，非常「MM7（正）」。小編都好欣賞Jer咁勇於挑戰自己，已經開始期待佢下一首新歌！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！