【髮廊停業】中長髮好尷尬？三款簡單編髮渡過尷尬期！ 再加四個技巧 令髮型更精緻！

 

請Like我哋個Page：

生活提案事務所 Lifenews HK

最新防疫措施髮廊要停業到4月，頭髮一直長，但係冇得修，點算好？ 編髮可以幫你修飾髮型，即使頭髮長度好尷尬，瞓醒覺髮尾會蹺起，簡單編髮可以幫你免去呢啲煩惱！ 三款簡單編髮，圖文並茂，即使手殘都做得到！

第一款編髮 - 簡單公主低辮：

1.先將頭髮分上下層，並用細橡筋扎起上層頭髮

2.喺左右兩側各抽一細執頭髮，並喺中間上層用細橡筋扎起

3.將步驟2扎嘅辮，喺步驟1扎嘅辮嘅中間位開洞穿過

4.約剩低嘅頭髮，連同條辮，用橡筋扎起

第二款編髮 - 可愛波波頭：

1.先將所有頭髮扎起，高或低隨你喜歡

2.將條辮分成4-5段，每段用細橡根扎起

3.逐段逐段辮拉鬆，形成蓬鬆嘅波形

4.最後將頭頂頭髮，隔1cm拉鬆一次

第三款編髮 - 公主BOB頭：

1.將頭頂1/3嘅頭髮扎起

2.喺左邊剩下嘅頭髮，取一細執，用三股辮手法編髮，可以先用髮夾或細橡筋固定

3.右邊重複一次步驟

4.最後約左右兩邊嘅三股辮，連同步驟1嘅頭髮，用橡筋扎起，再隔1cm拉鬆一次頂部嘅頭髮

再加上四個小技巧，令髮型更精緻，造型更立體！

1.使用髮尾油

髮尾油除咗用嚟護髮同降低熱力對頭髮嘅傷害之外，都可以用嚟幫頭髮造型！髮尾油可以令頭髮睇上嚟柔順有光澤，同時做到日本流行嘅「濕髮」感，令每束頭髮更立體，營造出精細嘅編髮！

Facebook@Lucido-L HK

圖片來源：mise en scene 官方網站

2.多啲用手指代替髮梳嚟扎頭髮

可以先用髮梳，梳順頭髮，再改用手指去扎頭髮，令髮型睇落更自然，更有蓬鬆感！

3.扎辮後拉鬆頭髮

扎完辮之後，可以每隔1CM拉鬆一段頭髮，都會令髮型睇落更有蓬鬆感！

4.碎髮

扎辮嘅時候唔好梳起所有頭髮，喺前額、左右兩邊耳仔前同頸後留少少碎髮，可以令髮型睇落更有層次！

即使冇得去髮型屋剪頭髮，中長髮時期好尷尬，識得編髮同以上呢幾個技巧，每日都可以Set翻個靚靚髮型！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！