【人紅是非多】媒體爆料指控 姜濤團隊因服裝問題 要求重拍廣告 姜濤怒斥：無聊、無中生有

 噚日有傳媒報道，指姜濤拍完廣告之後，佢嘅團隊聲稱當日姜濤條褲有問題，影響拍攝效果，而要求廣告商安排重新拍攝。姜濤嘅幕後團隊更被指陷入公關災難 ，既得罪廣告商，又影響到同場藝人！

傳媒報道，當日姜濤同另外一位藝人合作拍攝宣傳照，花姐都在場而且拍攝好順利。點知到第二日，姜濤幕後工作人員因為條褲，而要求重新拍攝。報道指，客戶同埋對同場嘅藝人都相當不滿，如果要重新夾過哂時間場地，分分鐘會損失六位數！姜濤嘅經理人公司就表示，冇發生過呢件事，因為拍廣告之前都會試好晒服裝，唔會無啦啦有服裝問題。

圖片來源：IG@keung_show

圖片來源：IG@keung_show

圖片來源：IG@ahfa0908

花姐事後亦有轉發有關報道，強調「根本冇呢件事」。當事人姜濤就喺Instagram連出兩個Story，怒斥爆料嘅傳媒：無聊、無中生有，「謠言真的很可怕，請慎言，真的太多無中生有的事情了」；仲轉發咗花姐嘅限時動態，嚴正聲明傳聞並非屬實！