【靠中藥醫好廿年濕疹？】蔡潔分享日常解壓秘訣！

蔡潔近年由電影圈轉戰電視劇，最近更喺《拳王》飾演刁蠻富家女而人氣急升，可以話係當家上位花旦。雖然事業發展順遂，但拍劇壓力大又經常冇覺好瞓，加上佢自細已經患有濕疹，要平衡工作同健康絕對唔易。

蔡潔認為，要保持身體健康，就要養成盡可能正常嘅作息同埋飲食習慣。另外，佢每一日都會打坐，亦會抽時間同愛貓布歐玩。佢形容布歐好似小天使，同佢玩完就會唔記得哂啲唔開心嘅事。

講到點樣保持靚樣，佢就推薦敷面膜同埋瞓美容覺。如果平時工作間隙有時間，佢都會小睡片刻，得閒嘅話都會煲啲滋補靚湯，咁就由內而外都容光煥發。

如果想知道更多蔡潔嘅健康心得，同埋佢點樣戰勝廿年濕疹，就要去LifenewsHK嘅Facebook專頁睇片，同記得密切留意今期中醫生活啦！