【小編開箱】台灣7款人氣零食試食 帶你一齊返台灣

 

請Like我哋個Page：

生活提案事務所 Lifenews HK

1. 愛D菇 菇菇脆餅

第一個要介紹嘅就係愛D菇出嘅菇菇脆餅。呢款零食好岩素食或者減緊肥嘅人。一包有齊香菇、䄂珍菇同埋杏鮑菇。喺整嘅過程中，佢哋用咗真空低溫同脫水乾燥嘅技術。咁就可以KEEP返菇嘅原始養份同時個口感又做到酥脆，而唔油膩。

2. 布田 一口酥花生貢糖 

第二款就係布田出品嘅一口酥花生貢糖。之前就好HIT古早味蛋糕啦，而呢款花生糖都係遵循傳統古法技藝手工製作嘅。連日本嘅媒體都有推薦。口感酥軟，入口即化。

3. 77乳加 QQ可可球 黑糖珍奶

嚟到第三款就係 77乳加 出嘅QQ可可球，呢個係黑糖珍奶味。佢岩岩喺台灣出嘅時候已經好HIT，經常會賣到缺貨！亦都係唔少遊客嘅手信首選。

4. 皇族珍珠奶茶酥

第四樣零食係皇族嘅珍珠奶茶酥。以前去台灣就話一定要買鳳梨酥，而家好多牌子都出咗珍珠奶茶酥。皇族嘅餅皮就比較鬆軟型，會有D易碎掉，但入面嘅黑糖珍珠就比較多而且茶味都夠濃。佢入面加咗柑橘纖維，所以口感食落都會好似鳯梨酥一絲絲咁。

5. 蚵仔煎洋芋片

蚵仔煎係台灣夜市嘅美食，今次有蚵仔煎味嘅薯片帶我哋行返轉台灣夜市。

6. 義美巧克力脆片

最後兩款零食都係嚟自台灣嘅一間本地食品公司 — 義美。一個係朱古力脆片，另一個係牛奶味嘅小泡芙。

朱古力脆片上面有少少杏仁，mix 埋濃郁嘅牛奶巧克力味，都幾岩浸牛奶食。

7. 義美小泡芙（牛奶）

最後一款就係義美小泡芙，係好多台灣小朋友嘅最愛！一啖一粒岩岩好！小編之前喺台灣見到佢仲有好多味~ 唔知香港幾時有得賣呢

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！