【美容提案】護膚重要但卸妝都不能忽視 小編精心挑選6大卸妝好物

 

請Like我哋個Page：

生活提案事務所 Lifenews HK

有化開妝嘅女仔都知保養皮膚係好重要，除咗要有適合嘅護膚品，一枝好嘅卸妝產品其實都好重要！如果揀咗一枝卸妝效果唔好嘅卸妝油，分分鐘搞到毛孔堵塞，令痘痘成日走出嚟同你Say Hi之餘皮膚又會因為殘餘嘅化妝品變得黯淡無光兼乾燥，再嚴重啲仲可能會有皮膚病！

卸妝嘅重要性成日都比人忽略，小編就幫大家精心挑選咗6大卸妝好物，咁就唔怕因為買到質素太差嘅卸妝油而傷害到自己皮膚！

（圖片來源：SK-II 官網）

SK-II 深層淨透潔顏露

呢款卸妝油除咗可以潔淨皮膚仲有落妝功能，有效清潔毛孔同去除殘留化妝品、眉毛膏同防曬，用完之後唔會乾仲落妝落得好乾淨。但記得要徹底乳化先開始落妝！

（圖片來源：THREE 官網）

THREE平衡潔膚油R

THREE嘅最佳人氣商品就一定非佢哋嘅卸妝油莫屬啦，有十分多獎項肯定，有品質保證！最新款加入咗紅蘿蔔根萃取精華配方，全面提升美容成分，仲可以迅速溶解彩妝，落妝後肌膚都繼續保持柔軟。

（圖片來源：Shu uemura 官網）

Shu uemura ultime8 黃金琥珀養膚潔顏油

相信大家都對植村秀嘅卸妝油唔陌生，有好多人都極力推薦呢款卸妝油，除咗因為卸得乾淨之外，入面仲蘊含天然日本山茶花籽精油，配方可以瞬間將肌膚回復柔嫩，潔面之餘亦都做到深度保濕滋養，卸妝同時養護好膚質。

（圖片來源：FANCL 官網）

FANCL MCO 納米卸粧液

呢枝小編大力推薦！小編已經不停回購回購再回購！MCO 納米卸粧液利用「納米速淨技術」令防水眼妝、唇妝、高清粉底迅速溶解，只要用水一沖就將毛孔入面嘅彩妝徹底落乾淨，仲可以有效地清除毛孔內嘅油脂同角栓！不含防腐劑同礦物油之餘仲有保濕潔淨配方，保留返肌膚原有水份，用完都唔會搞到皮膚乾燥。

（圖片來源：EVE LOM 官網）

EVE LOM CLEANSER卸妝潔面霜

EVE LOM Cleanser卸妝潔面霜揉合咗大精油，一接觸到體溫就會融化，變成油份，將全面嘅彩妝溶化，就算極難卸嘅防水妝都冇問題！呢款卸妝油適合所有膚質使用，經過補濕測試結果，發現用完之後可以為肌膚長效補濕12小時，皮膚Keep住透亮。雖然價錢偏貴，但絕對值得入手。

（圖片來源：Lancôme 官網）

Lancôme BI-FACIL速效眼部卸妝水

連「星女郎」林允都推薦嘅一款眼部卸妝油，配方適合所有皮膚類型，就算對眼敏感或者戴緊隱形眼鏡都可以用，十分溫和，可以有效地卸除睫毛上面嘅雜質同眼部彩妝，連頑固嘅防水睫毛膏都卸得走，同時唔會留低油性殘留物喺面上，產品亦已經受眼科醫生測試過，證實安全。 

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！