【美容提案】皮膚乾燥救星 小編推介4種不同價位補濕面霜

 

最近天氣又變得乾燥，訓較嘅時候皮膚水份偷偷流走，起身嗰陣喉嚨乾已經難受，照鏡見到自己皮膚乾到甩皮我個心仲難受！有化妝嘅女仔都知咁嘅皮膚狀態，無論搽幾厚嘅粉底都係無補於事。與其用化妝品遮住，倒不如由最基本嘅補濕開始做起，令皮膚飲飽水，咁就點化都靚啦！

小編都知道唔少出名嘅大牌子保濕面霜價錢都比較唔親民，所以就精心挑選咗幾款唔同價位嘅保濕面霜，就算係學生黨都一樣可以擁有水嫩肌膚！

 

LA MER — Crème de la Mer精華面霜 30ML HK$1,680 (官方網站價錢)

LA MER嘅精華面霜喺BeautèResearch 2020年亞洲 (中國、日本、韓國、泰國、香港、新加坡) 主要專櫃品牌面霜銷售額榮獲第一名，佢主打修復，蘊含促進細胞更生的 Miracle Broth™活膚精華及高效抗氧的酸橙茶精華，為肌膚注入水份之餘仲可以減褪細紋同皺紋。

 

Estée Lauder — Revitalizing Supreme+ 新生活膚彈活面霜 50ML HK$875 (官方網站價錢)

連「試當真」女神Jeannie吳家忻都推介嘅Estée Lauder面霜，保濕效果十分好，好似雪糕咁嘅質地，搽上面好滋潤，唔會覺得好油，仲可以將毛孔隱形，緊緻肌膚！

 

Kiehl’s — 金盞花修復精華面霜 50ML HK$400 (官方網站價錢)

喺Kiehl’s 眾多金盞花產品入面，金盞花修復精華面霜蘊含最高濃度金盞花精華同微金盞花瓣，做到即時修復同鎮靜保濕。而且呢款面霜用咗創新嘅金盞花精華分子技術去深入滲透肌膚，有效地釋放金盞花神奇修護功效。

 

Curél — 深層高效保濕面霜 40ML HK$180 (屈臣氏網站價錢)

日本銷量No.1嘅敏感肌膚品牌Curél推出嘅深層高效保濕面霜蘊含「潤浸保濕Ceramide功能成分」同「桉樹精華」，能夠有效地深入滲透至肌膚角質層，滋潤肌膚同預防乾燥問題惡化。呢款面霜質地唔黏笠，感覺清爽，好易就吸收到。

 

圖片來源︰LA MER, Estée Lauder, Kiehl’s, Curél官方網站