【第40屆電影金像獎】提名名單出爐！影壇新血嶄露頭角 最佳新演員全獲雙提名 MIRROR Jer入圍最佳電影原創歌曲！

 

請Like我哋個Page：

生活提案事務所 Lifenews HK

雖然疫情之下戲院關門，但係影壇盛事金像獎就如期進行。第40屆電影金像獎嘅提名名單喺星期三公開，今屆新演員表現亮眼，入圍嘅包括王丹妮、鍾雪瑩、梁仲恆、馮皓揚同柯煒林。佢哋全部都同時入選最佳男女主角或者最佳男女配角，果然係後生可畏！

（圖片來源：Instagram @hongkongfilmawards）

不過一眾影壇前輩亦不遑多讓，提名名單可以見到唔少老戲骨嘅名字。其中謝賢同吳鎮宇分別憑《殺出個黃昏》同《濁水漂流》入圍角逐最佳男主角，而古天樂亦憑《梅艷芳》獲最佳男配角提名。「娜姐」周秀娜則憑《馬達‧蓮娜》入圍最佳女主角，演技備受肯定。

（圖片來源：Instagram @jeremylaous）

而MIRROR成員Jer就憑住《媽媽的神奇小子》嘅主題曲《神奇之路》入圍最佳原創電影歌曲，亦係佢首次獲金像獎提名，相信柳柳粉一定覺得好驕傲！原來Jer喺3年前已經夢想入圍金像獎，佢喺2019年跟隨MIRROR出席金像獎頒獎典禮之後，就發文話要「朝著電影歌曲的夢想進發」，而家得償所願，真係恭喜哂！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！