【北京冬奧】「冰王子」羽生結弦挑戰4周半跳！落地失誤跌低仍獲國際認證 成史上第一人 失落獎牌但雖敗猶榮！

 

請Like我哋個Page：

生活提案事務所 Lifenews HK

雖然疫情尚未結束，但2022冬季奧運會仍如期喺北京舉行。日本「冰王子」羽生結弦一如既往備受矚目，唔少粉絲都期待佢喺花式溜冰項目嘅表演。作為上2屆冬奧金牌得主，羽生結弦再向難度挑戰，喺長曲項目挑戰難度達到4A級嘅4周半跳！不過佢就喺落地嘅時候失誤跌低，最終總成績排名第4，同獎牌無緣。

（圖片來源：Shutterstock）

不過國際滑冰聯盟(ISU)就認可羽生結弦嘅4周半跳，亦係史上第一個4周半動作得到認證！雖然因為佢落地失誤、完成度不足而獲扣分，但仍然無阻佢成為花滑史上第一人，可以話係創造歷史！其實羽生結弦早喺去年年底，喺全日本花滑錦標賽，已經挑戰過4周半跳，但當時因為旋轉圈數不足而失敗。今次雖然落地出現失誤，但總算成功完成動作。

（圖片來源：Shutterstock）

羽生結弦挑戰自我嘅精神，感動不少體育迷。可惜已經27歲嘅佢，好有可能係最後一次參加冬奧。對於未能衛冕，佢都覺得非常可惜，接受媒體訪問嘅時候更一度哽咽，形容今次冬奧從一開始就唔太順利，但佢已經好盡力。羽生結弦嘅努力相信大家都有目共睹，希望佢之後可以好好休息，以更好嘅狀態重返賽場！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！