【防疫措施收緊】髮型屋明起關閉14日 速剪髮型屋大排長龍 MIRROR Stanley都呻頭髮長冇得剪？

 

請Like我哋個Page：

生活提案事務所 Lifenews HK

隨住確診數字「幾何式」急升，特首林鄭月娥琴日宣布，進一步收緊社交距離措施。除咗限聚令收緊至2人之外，理髮店或髮型屋亦需要喺2月10號關閉。根據網絡圖片，各區嘅速剪髮型屋門外大排長龍，睇嚟唔少男士都擔心14日之後會變「陳浩南」，趕喺髮型屋閂門之前剪頭髮。

（圖片來源：香港突發事故報料區 @Facebook）

今次係疫情爆發2年幾以來，髮型屋首次需要關閉。唔少網民琴晚都喺Facebook群組「香港突發事故報料區」Post相，紀錄速剪髮型屋門口嘅排隊「盛況」。其中喺多個地鐵站設有分店嘅「QB House」就最好生意，門外超過10人排隊。

（圖片來源：Instagram @stanleysc_）

髮型屋被迫關閉，連明星都受到影響。MIRROR Stanley琴日就係IG Post Story，大呻頭髮長又冇得剪，「人生真艱難」，仲附上喺車上嘅自拍，見到Stanley嘅頭髮已經長到遮眼。不過佢最近忙於拍攝新劇《季前賽》，想去髮型屋「最後衝刺」都唔得，真係隔住個Mon都感受到佢嘅無奈。

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！