【眼睛想旅行】小學搞zoom遊學團遊日本 每位收400蚊抵唔抵?

 

請Like我哋個Page：

生活提案事務所 Lifenews HK

 疫情自開始以嚟已經持續咗2年有多，相信唔少人都好渴望出國去旅行，由其係咁鍾意去旅行嘅香港人。而最近網上流出咗一張聖公會何澤芸小學內部嘅通告令人嘩然，就係學校準備搞一個Zoom遊學團去日本，一共兩日共收費港幣750元正，校方津貼每人港幣350元正，即係話呢個遊學團只要畀港幣400元正就可以參加。

行程安排方面，全部於網上進行，每日行程朝10晚5，會由zoom入面參觀京都大街小巷、清水寺、嵐山、大阪水族館同埋大阪環球影城等日本熱門景點。除咗參觀景點之外，參加者仲有唔同嘅工作坊可以參加，例如鬼滅之刃摺紙教學、壽司製作、迷你浴袍製作等等，仲有分組活動，貌似行程相當豐富啊。

而回條喺網上瘋傳後引嚟一片嘩然，有人覺得主辨單位搞zoom遊日本根本唔值，事關費用係畀領隊、導遊同導師服務費用，包括所有工作坊所需手工材料同埋部分食材(新鮮食材因衛生問題學生須自備)，網民覺得根本就係學生畀錢導師自肥。有人更抽水學校非常前衛，咁快已經唸到元宇宙概念發財，唔知你又點睇呢件事呢，喺下底留言話畀我地聽啦！

 

請Like我哋個Page：

生活提案事務所 Lifenews HK