【宋智雅拍片向公眾道歉】社交平台、YouTube channel內容清零 網民反應兩極化

 

請Like我哋個Page：

生活提案事務所 Lifenews HK

因參加Netflix真人Show《單身即地獄》而爆紅嘅宋智雅早前因為穿著名牌仿冒品而被網民聲討，宋智雅上週於社交平台上載親筆信向粉絲大眾及受影響品牌道歉，但仍有大批網民繼續聲討。而於昨日（24日），宋智雅於個人YouTube Channel上載一段長達3分54秒影片，同時社交平台、YouTube channel 入面嘅內容全部消失，兩邊只留有道歉信同道歉片段，百萬頂閱嘅美妝同分享影片全部清空。

宋智雅於影片入面穿著素黑色上衣、素顏面向大眾。蒲一開頭就直接向公眾道歉，並承認自己使用假冒產品，佢承認係佢不可逃避嘅錯誤。作為YouTuber嘅佢應該要更加小心謹慎，然而因為自己使用假冒品令支持愛護佢嘅人失望。宋智雅表示，自輿論開始以後一直有留意大家嘅譴責同建議，並反思自己嘅缺點，但所有都係佢一人之錯，希望攻擊佢嘅人唔好責備佢任何家人。對粉絲「freeing」都係真心，希望大眾唔好曲解佢對粉絲嘅感情係假。同時已將所有社交媒體上所有內容轉為私人內容，而任何帶有假冒產品嘅影片都將被刪除。

事件演變成今日嘅局面，雖然不少人仍對宋智雅欺瞞觀眾所憤怒，但不少人心疼智雅，覺得人誰無過，何況宋智雅已於社交平台上上載道歉信及承認過失，但網民仍不放過。而智雅承認當初因爲「好看」理由而買假貨，「即使道歉了韓網民都不想放過她」、「妒忌她的人想用一件事就把她從社會上埋葬她置誅死地」。

 

請Like我哋個Page：

生活提案事務所 Lifenews HK