【新劇速遞】Viu TV原創劇《IT狗》開播！一劇齊集MIRROR三子Lokman、Stanley、Frankie 鏡粉必睇！

 

請Like我哋個Page：

生活提案事務所 Lifenews HK

睇完《全民造星IV》覺得好空虛、唔知睇咩好？不妨睇下呢套Viu TV嘅原創喜劇《IT狗》！顧名思義，《IT狗》就係講述一班任職IT業嘅打工仔，點樣掙扎求存、憑自己實力打出一片天嘅爆笑勵志故事。其中一大看點，就係呢套劇集齊MIRROR三子——隊長Lokman、「大表哥」Stanley同埋「皮皮」Frankie，身為鏡粉嘅你一定唔可以錯過！

（圖片來源：ViuTV 官網）

而喺琴晚，皮皮飾演嘅Never登場，搞笑演出得到網民大讚。琴晚第二集講述Never去咗Tony（Lokman飾）嘅公司見工，負能量極致嘅Never，一嚟就犯咗見 IT工嘅大忌，就係著西裝！點知一問之下，原來Never啱啱去咗送殯，仲係今個月嘅第三次。皮皮一本正經咁講啲搞笑對白，反而更加有喜感，網民們都大讚有驚喜，又話佢負得嚟好可愛！

（圖片來源：ViuTV @Facebook）

而除咗幾個鏡仔之外，因為《膠戰》人氣急升嘅珈其、Jeffrey同肥腸都有份演出，相信佢哋一定會為劇集增添唔少笑彈！《IT狗》喺星期一已經正式開播，每逢星期一至五夜晚9點半，喺Viu TV 99台播出，各位電視迷記住準時收睇啦～

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！