【第五波疫情】 張敬軒、RubberBand等多個演唱會延期 AGA擔心開唔成騷爆喊？

 

請Like我哋個Page：

生活提案事務所 Lifenews HK

 

本港爆發第五波疫情，導政政府收緊防疫措施，康文署轄下大部分場地暫停開放直至1月20日午夜，影響唔少演唱會被迫延期同埋可能取消！

由英皇娛樂主辦、一連多場嘅張敬軒演唱會噚日宣佈1月6日至10日，及1月13日至15日，剩餘8場嘅演唱會因為疫情將會延期。上年11月嘅時候，張敬軒已經因為疫情影響出騷，雖然好可惜，但係皇上仍然寄語：希望疫情盡快散去，我相信我哋好快會再見面！

而由耀榮文化主辦嘅三場演唱會亦受到疫情影響，演出單位分別有RubberBand，陳蕾 x ToNick同埋 C AllStar + MR.。  主辦單位發通告指，原定最早喺7號舉行音樂會 RubberBand音樂會將會延期。

江海迦（AGA）原定會喺1月29及30號舉行首個紅館演唱會，但係第五波疫情令演唱會面臨取消或延期嘅可能。喺接受傳媒訪問嘅時候，AGA都爆喊表示佢好驚演唱會會取消或者第四度改期。另外 《盧巧音時間綫音樂會》同埋黃子華嘅舞台劇《最後禮物》亦都宣佈延期。買咗飛嘅朋友仔記得保留門票，留意主辦單位嘅官方網站等待延期詳情同埋門票安排！

 

圖片來源: Instagram@hinscheung

圖片來源: Facebook@RubberBand

 

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！