【無制限ot編集団！】格仔Mike導開攀石場做老細！邀Agent L. 過檔 : 一定高人工過ViuTV！

 

請Like我哋個Page：

生活提案事務所 Lifenews HK

喺ViuTV做導演拍綜藝節目而爆紅嘅Mike劉諾衡，一向都有做開唔同體能運動，練得一身好身材。佢經常拍住無制限嘅兄弟挑戰室內攀石，偶然都會出外攀真石。前日Mike導宣佈要開攀石場做老闆，唔少「無制限」成員都有Share呢個好消息！其中，已經離開ViuTV嘅Agent .L都出Post表示支持，格仔導都搞笑回覆話要挖角， 邀請Agent L. 過檔嚟番工，仲話：「一定高人工過ViuTV」！

格仔導演透露新店店名叫做Kizuna Climbing Gym，𝙆𝙞𝙯𝙪𝙣𝙖 即「絆」，意指人與人之間嘅連繫/情誼。 消息一出，一班無制限ot編集団嘅兄弟都一齊出Post撐佢做老闆，完全體現到人與人之間嘅情誼呀！ 尤其是係已經離開ViuTV嘅Agent L.都出Post表示支持：「你個笑容咁真摯，梗係要支持下啦」，Mike導都搞笑覆佢如果搵唔到工可以過檔，人工仲會比以前高添！另一位「無制限」成員麥可暉，都出Post講笑話：「佢啲肌我都見夠喇，都想畀其他人見下」，宣傳Mike導開舖。

圖片來源：Instagram@alfred_cho

Mike導仲話：「老土啲講句，攀石嚟講都係成班人一齊攀最好玩」，唔知到時候開張「無制限」成員會唔會全員到齊，一齊挑戰攀石呢？

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！