【MV出街三日近百萬點擊】姜濤九胎終於出世！《鏡中鏡》非主流仍大獲好評

 

請Like我哋個Page：

生活提案事務所 Lifenews HK

早前姜濤第九首歌曲《鏡中鏡》終於面世，歌曲由Gareth.T作曲、小克填詞，歌曲採用autotune同打鬥槍聲做背景，風格偏有型同非主流。而《鏡中鏡》一出仍大獲好評，MV自1月2日出街後三日已接近94萬點擊率。事關歌曲帶出嘅意味深遠，姜濤仲寫咗篇千字文畀填詞人小克，希望新歌歌詞以自己嘅經歷做背景，展現自己喺成名後面對外界一切聲音時從抗拒逃避、急於反駁到反省領悟、最後從容面對嘅心路歷程。 

MV一開始姜濤血流滿面被一堆神秘人追殺，而呢啲神秘人泛指姜喺成名之後外界對佢嘅評論聲音，不論褒貶都係無止境咁追住佢，到最後終極神秘人竟係自己，只有面對自己嘅不足同恐懼，先可以自信面對外界嘅聲音。

 而Gareth.T同小克二人都特別為呢首歌出咗IG post以千字文分享心情，大讚姜濤係難得嘅歌手，有禮貌、有自己想法、敢於挑戰非主流曲風。我哋都好期待姜濤，可以慢慢實現佢喺叱吒時許下嘅宏願成為亞洲第一！

 

請Like我哋個Page：

生活提案事務所 Lifenews HK