【MIRROR鏡聞版】 Jer明推新歌《MM7》 原來MM7背後有段故？

 

請Like我哋個Page：

生活提案事務所 Lifenews HK

Jer柳應廷噚晚喺Instagram宣佈新歌《MM7》將會喺聽日首播，新歌由小克、The Hertz同王雙駿 Carl班底製作。Jer喺宣傳照入面塗咗指甲同畫埋粗眼線，相中「MM7」三個字充滿塗鴉風，唔少柳柳粉見到宣傳照嘅時候，紛紛留言「MM7」，好期待Jer今次會帶嚟咩曲風嘅作品！預告一出，同隊成員Jeremy同埋女團隊長Gao都留言支持！

圖片來源：截圖自Instagram@jeremylaous

而新歌歌名《MM7》原來有特別意思㗎，喺柳柳粉之間嘅常用詞彙，出處係因為有次一位柳柳粉見到Jer嘅一張靚相，想用速成碼打一個「正」字，但係情急之下唔記得轉速成碼，而傳送咗「mm7」呢條訊息出去！自此之後，柳柳粉經常用「mm7」嚟稱讚Jer！

圖片來源：Instagram＠jer.lyfish

有次Jer柳應廷同林二汶出席網上音樂節目嘅時候，大批網友留言「mm7」，搞到二汶好不解咁問到底係咩嘢意思，而阿Jer 就解釋「mm7」係個「正」字嘅速成碼：「佢地想打得快，依家就會用MM7代表個正字。」

全新派台歌會喺聽日中午12點首播，相信新歌會同歌名一樣咁「mm7」！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！