【關公災難?】MIRROR IG小編「爆seed」炮轟鏡粉 被狠批態度差 花姐代為道歉想滅火!






 

請Like我哋個Page:


女團COLLAR喺上星期三正式出道,出道前大玩神秘感、公開個人Teaser造勢等,都成功吸引大眾目光。不過COLLAR宣傳策略嘅成功,就令唔少鏡粉有感MIRROR被「冷待」,更開設 @viu_pls_do_ur_job 嘅IG帳號,PO長文要求Viu TV認真經營MIRROR嘅社交平台等,火藥味十足。而琴晚專頁更加以「原來做人真係可以無PR為題」,公開鏡粉同MIRROR IG小編嘅對話,揭露小編串爆回應鏡粉批評,隨即引起爭議!

(圖片來源:Instagram @mirror.weare)



(圖片來源:Instagram @viu_pls_do_ur_job

事緣琴日姜濤、Ian、Stanley同Edan出席記者會宣傳新劇《季前賽》,小編喺IG Story更新現場情況,叫鏡粉們「自己留意報導」,仲用細字Hashtag「#唔突登POST啦」。有鏡粉DM回覆「有需要咁_嗎?」同「好掛住舊年嗰位summer intern」,即惹來小編串爆回覆「唔知你掛住果(嗰)個係邊個」,其後更連環「爆seed」反問鏡粉,又批評「你們(鏡粉)的訴求又想見他們(MIRROR)出活動,又想要報導,又要他們休息,但又不想他們完全消失」,暗示鏡粉訴求不切實際。



(圖片來源:Instagram @viu_pls_do_ur_job


(圖片來源:Instagram @ahfa0908)


對話曝光之後,唔少鏡粉都對小編嘅態度好不滿,認為佢「大可以已讀不回」,唔應該串返粉絲轉頭。而花姐亦有喺IG Story回應事件,更攬上身話「小編嘅錯,都係我嘅責任。我代佢同大家道歉。」又承諾會「做好啲歌同IG」,令大家更了解MIRROR。唔知鏡粉們受唔受落呢?






 

請Like我哋個Page:

 

你也有精彩的人和事跟我們分享?想查詢廣告合作?請Inbox話我哋知!





沒有留言

Blogger 提供.