【全民造星IV】人妻Ash驚爆離婚 即被網民大爆同MC一齊過平安夜？前夫護航 堅稱冇第三者！
請Like我哋個Page：
《全民造星IV》雖然已經喺聖誕節完滿結束，但係一眾參賽者仍然係輿論焦點。其中喺第二輪已經被淘汰嘅Ash，一直都被視為「遺珠」之一，即使落選仍然獲得唔少品牌店舖青睞。但係近日，Ash嘅台仔老公就喺IG發文，宣布已經離婚，仲打算返去台灣生活，引起網民熱議！
（圖片來源：Instagram @taiwan.fatboy）
（圖片來源：LIHKG）
隨即有網民喺討論區發文，話24號平安夜當晚，喺黃埔花園撞到Ash同MC一齊買餸，指佢哋「疑似一齊」。仲有網民去Ash前夫嘅IG留言，為佢感到不值，不過前夫就堅稱離婚喺問題出喺自己身上，又叫網民要「看清真相」、「不要被亂帶風向」。
（圖片來源：MC張天賦 @Youtube）
其實Ash啱啱先喺MC嘅新歌《時候不早》MV擔任女主角，喺MV入面兩人有好多親密互動，難怪會被懷疑係假戲真做。不過MC就透過經紀人澄清，兩人只係工作朋友關係，否認兩人撻著。MC啱啱先拎完叱咤生力軍金獎，隨即捲入桃色緋聞，果然係人紅是非多！
請Like我哋個Page：
你也有精彩的人和事跟我們分享？想查詢廣告合作？請Inbox話我哋知！
Leave a Comment