【兩年半婚姻玩完】老婆雯雯IG發文宣佈二人正式離婚 張致恒單方面被離婚?

 

請Like我哋個Page：

生活提案事務所 Lifenews HK

 

 Boy'z成員Steven(張致恆)一向負面新聞多多，而喺2019年同粉絲雯雯奉子成婚後兩年抱兩誕下兩名兒子，結婚後嘅Steven貌似收心養性，雖然外界仍傳出一腳踏幾船又欠債圈中人，但老婆雯雯多次出Post分享溫馨家庭生活護航，對Steven不離不棄。唯去年年尾開始，因Steven要北上內地賺錢養家，雯雯曾出Post暗示婚變「每一段關係嘅結束都係為咗有更好嘅將來。」，但老公Steven透過經理人回應只係因為佢長期喺內地工作，而雯雯湊仔壓力太大，兩口子仍然無事。

直至琴晚(27日)，雯雯再次喺社交平台上發文「分開不代表完結只是讓大家過更好的。今天我們正式離婚了」我也真心祝福你能夠幸福，」標點符號似乎唔係打得好正，睇落雯雯似係好唔開心，而Steven至今未有任何回應。

雖然雯雯現階段單方面宣佈離婚，但係佢三日前先上載咗分別六段一家四口到農莊遊玩嘅片段。有網民留言向雯雯加油，另一方面有留言希望有問題兩公婆好好解決，為家中兩子著想。

生活提案事務所 Lifenews HK