【富二代行頭幻滅？！】《單身即地獄》宋智雅陷假貨爭議 IG Post親筆相道歉

 

請Like我哋個Page：

生活提案事務所 Lifenews HK

 

憑住《單身即地獄》而爆紅嘅宋智雅因為出眾嘅社交技巧同整身名牌嘅行頭而引人注目，佢亦因此收獲大批粉絲，同時粉絲都留意到話題性十足嘅宋智雅除咗穿戴名牌之外，仲住喺25億韓元(港幣1633萬元左右)首爾城東區聖水洞「Trimage」豪宅，隔離鄰舍都係韓國社會名流同明星，大家都覺得佢係富二代。但係早前有人爆料宋智雅身上穿著嘅名牌非正品，身上不少名牌都係仿冒品，「白富美」人設崩壞。

根據韓國YouTube channel 【탈덕수용소】 Sojang詳細分析，曾穿著於《單身即地獄》入面嘅Chanel上衣唔係正品，而粉色Dior老花logo嘅背心更係坊間網店嘅商品，價值16000元韓元(約105元港幣)。而宋智雅配戴嘅奢侈珠寶牌子Van Cleef  & Arpels頸鏈都係仿製品。【탈덕수용소】 Sojang前後盤點超過10項名牌衣物同配飾都唔係正牌貨。

就係琴日，宋智雅係個人社交平台上載一封親筆信，內容向所有因佢而失望嘅人道歉，承認自己的確穿著名牌仿品，為此深感抱歉。佢同樣有創立品牌嘅夢想，會認真反省同反思。所有穿著假貨嘅內容已被刪除。同時向因佢而受到傷害嘅品牌道歉。向粉絲、(YouTube)訂閱者、品牌負責人等所有人表示誠摯歉意。

 

請Like我哋個Page：

生活提案事務所 Lifenews HK