【人氣女團】COLLAR成團唔夠一星期首個MV已破百萬Views 有網民發現原來成員Day係混血兒？

 

經過《全民造星IV》一輪激烈嘅比賽過，終於挑選咗8位女團COLLAR成員並喺1月12日正式出道。佢哋第一首歌曲《Call My Name!》喺公開之後更受到唔少歌迷嘅喜愛，MV未夠一個禮拜已經破百萬Views，有網民更表示歌曲聽極都唔會悶，超有節奏感，團員嘅造型更令人留低深刻嘅印象！

身為人氣女團，入面嘅成員就自然獲得更多關注，Day許軼之前參加比賽嘅時候已經有好高討論度，除咗因為佢出色嘅表演之外，可愛嘅外貌都吸引咗唔少Fans！最近就有網民搵到疑似Day私人嘅Facebook AC，仲發現Day原來係混血兒？

喺Facebook有一個名為「Rejena.simkhada」嘅Facebook AC，並填上自己就讀博愛醫院歷屆總理聯誼會梁省德中學，呢個AC擁有者都曾經開過一個Post並寫低「自hi軼到此一遊」。同時，入面亦有疑似Day小時候嘅相片，望落同Day真係有幾分相似！

有網民指出Day其實係尼泊爾混香港嘅混血兒，爸爸係尼泊爾人，而媽媽就係香港人，Day嘅全名應該係Simkhada Rejena。粉絲知道咗之後都紛紛留言表示唔怪得知Day咁靚女、咁可愛，亦都有網民話香港咩種族都有，就算係都唔出奇，唔需要太驚訝。

以上嘅資料都未經Day本人同官方證實，但無論係咪混血兒都好，Day都係咁得大家嘅歡心，大家都一樣會咁支持佢！

 圖片來源︰IG@6y_day,   FB@Rejena Simkhada