【郎才女貌！】女神朴信惠正式結婚！唯美婚紗照公開 網民大讚有夫妻相 「前男友」李敏鎬搞笑祝福！

 

請Like我哋個Page：

生活提案事務所 Lifenews HK

喺去年11月尾，南韓女星朴信惠宣佈已懷孕同將會結婚，對象係已經拍拖4年嘅演員男友崔泰俊。兩人喺上星期六正式完婚。雖然婚禮係以非公開形式進行，但經紀公司喺當日早上，就公開咗兩人嘅婚紗照。

（圖片來源：Instagram @salt_ent）

相中朴信惠先後換上三套婚紗，無論係甜蜜、時尚定係仙氣風格，朴信惠都輕鬆駕馭，不愧係「國民女神」！而著起燕尾服嘅崔泰俊亦都非常帥氣，網民都大讚兩人好相襯、有夫妻相！

（圖片來源：Instagram @salt_ent）

而朴信惠出道以來，同過不少著名男星合作，更加有「男神收割機」嘅稱號。其中同朴信惠喺《繼承者們》合作過嘅李敏鎬，就公開自己著住禮服嘅自拍，暗示自己都有出席婚禮祝賀。佢仲公開一張寫住「金嘆」嘅座位表，又改編《繼承者們》嘅名台詞，將「我係唔係鍾意咗你？」改成「我係唔係要祝福你？」勁有幽默感！

（圖片來源：Instagram @ssinz7）

而朴信惠喺婚禮後，亦喺IG大曬韓服婚紗照，感謝所有人對佢哋嘅祝福。著起紫色韓服嘅朴信惠完全係古典美人，唔講仲以為係宮廷劇嘅劇照！小編都好戥女神開心，希望佢婚後繼續甜甜蜜蜜！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！