【想唔想試？】大阪心斎橋拉麵店推「軟雪糕拉麵」 辣味噌 + 軟雪糕 辣中帶甜夠哂刺激？
請Like我哋個Page：
冬天想食雪糕又怕凍，有冇諗過可以同拉麵一齊食呢？近日位於大阪心斎橋嘅拉麵店「中華そばフラン軒」就推出咗「辣味噌軟雪糕拉麵」，半個軟雪糕連筒放喺紅色辣湯上面，視覺效果滿分！味道方面，雖然小編冇辦法親身飛去日本試，但都可以想像到辣味噌撈埋軟雪糕，辣中帶甜，一定非常刺激。
（圖片來源：torisobazagin @Twitter）
根據店舖介紹，原來今次並唔係佢哋第一次推出破格拉麵，喺上年佢哋就曾經推出「辣味噌棉花糖拉麵」，睇嚟店主對辣甜組合有一份執著。而對於今次嘅「辣味噌軟雪糕拉麵」，店主都認為某啲人會覺得好難接受，但佢就話兩者係出乎意料地夾，仲話呢種又辣又甜嘅味道，食其他拉麵絕對試唔到。
（圖片來源：Instagram @franken0705）
一碗「辣味噌軟雪糕拉麵」盛惠850日圓（約$57港幣），唔使$60就試到，可以話係超值！不過呢款拉麵係期間限定商品，只係賣到今年3月尾。希望疫情完結之後，有機會試到更多日本特色料理啦！
請Like我哋個Page：
你也有精彩的人和事跟我們分享？想查詢廣告合作？請Inbox話我哋知！
Leave a Comment