【有得打第三針！】元旦起擴大疫苗接種計劃 即日起可登記打第三針！即睇登記方法！

 

請Like我哋個Page：

生活提案事務所 Lifenews HK

特首林鄭月娥表示，計劃喺農曆新年前擴展疫苗氣泡，屆時出入食肆、戲院等娛樂場所同政府場地，都要接種至少一劑新冠疫苗。加上變種病毒Omicron威脅越嚟越大，政府日前宣布，自元旦起進一步擴大2019冠狀病毒病疫苗接種計劃，鼓勵合資格市民接種第三針疫苗。為咗方便市民接種第三劑疫苗，全港10間社區疫苗接種中心，其中9間會每日開放，仲會延長開放時間，由上午8點開到夜晚8點。就算要返工嘅市民，都可以放工後去打針。

（圖片來源：衛生署衛生防護中心）

政府建議，所有已接種兩劑復必泰疫苗滿六個月嘅合資格人士，都應該盡快接種第三劑疫苗。不過如果有個別需要（如離港外遊）或者免疫力弱人士（例如癌症病人、器官移植病人、晚期愛滋病患者、需服藥壓制免疫系統的人士等），只要接種第二劑疫苗滿三個月，可以視乎個別情況，酌情安排提早打第三針。除咗10間疫苗接種中心，以貨櫃箱形式運作嘅疫苗流動接種站，亦將會喺1月7日起啓用，方便更多市民，特別係長者，接種新冠疫苗。

（圖片來源：衛生署衛生防護中心 @Youtube）

而想打第三針嘅市民，即日起可以透過疫苗接種計劃專題網站嘅預約系統（booking.covidvaccine.gov.hk），預約新增時段名額。合資格市民都可以領取「即日籌」即場接種（設於私家醫院嘅社區疫苗接種中心除外），名額有限，先到先得。

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！