【仲有後續！】「蕾神」大爆王力宏帶三男返屋企 仲嘗試硬闖？李靚蕾：這讓我毛骨悚然

 

請Like我哋個Page：

生活提案事務所 Lifenews HK

舊年年尾轟動一時嘅「王力宏李靚蕾離婚事件」，隨住王力宏宣布暫時退出娛樂圈，似乎暫告一段落。點知嚟到2022年，風波仲未平息。李靚蕾琴晚再發千字文，指控王力宏違反兩人簽訂嘅協議，喺未經女方同意之下，帶同兩個男性工作人員，同埋一個陌生男子返屋企探仔女，令李靚蕾覺得安全受到威脅，覺得「毛骨悚然」。

（圖片來源：Instagram @jl.leilei）

李靚蕾提到，王力宏曾經同佢分享，指呢幾年身邊最親近嘅工作人員，唔單止「在台灣有前科，也跟黑道熟識」，暗示王力宏係刻意帶有背景人士去恐嚇李靚蕾。另外，李靚蕾仲話王力宏要求佢「拔除家裡孩子的監控」，先肯入門見仔女，仲一度打算拎鑰匙直接硬闖，同一直用力搖門。佢形容目睹一切嘅幾個仔女都嚇到喊，而佢自己「手一直發抖到晚上都停不下來」。

（圖片來源：Instagram @jl.leilei）

（圖片來源：李靚蕾Jinglei @Weibo）

李靚蕾喺文中質問王力宏，明知咁樣會喺仔女面前造成正面衝突，「為甚麼還要這麼做？你到底想要做甚麼？」，又話自己唔敢想像，覺得太可怕。唔少網友都質疑王力宏點解要帶唔識嘅人返屋企，又批評指「王力宏有夠恐怖」；不過微博亦有網友認為李靚蕾應該直接訴諸法律，又批評佢連發千字文但冇證據，認為佢講大話。

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！