【姜B出沒注意!】姜濤落銅鑼灣打卡《鏡中鏡》廣告牌 今日起應援電車啟航!
請Like我哋個Page：
姜濤最新歌曲《鏡中鏡》MV推出後唔夠一星期即破百萬點擊率，而歌曲亦大獲好評。「姜糖」都為此準備應援活動，第一彈喺銅鑼灣金百利嘅外牆設置打卡廣告牌，偶像姜濤就趁住空檔時落到銅鑼灣打卡裝置!喺姜濤個人社交平台限時動態上上載打卡片段見到，只見佢一身黑色裝扮包到實，低調喺廣告牌下舉起手比叻後向百德新街方向行走。姜濤低調打卡、高調寵粉，「姜糖」非常受落見到後冧爆，都話欣賞姜為免引起哄動或混亂咁體貼嘅性格。其實姜濤一路都係打卡時好低調，為兔因為自己被途人認到而引起哄動，呢個舉動都好受人認可，非常暖男。
而新歌應援第二彈就係應援電車啦!電車車身廣告應援由1月7日開始至2月3日，每日由早上六時至凌晨穿梭香港島。電車首次會喺下午三點左右由屈地街車廠開出，各位「姜糖」記得去打卡啦，打卡同時都要好似偶像咁，注意安全同唔好影響電車嘅運作啊!
請Like我哋個Page：
Leave a Comment