【美妝提案】清純大熱奶茶色 小編精選必須入手5款溫柔粉嫩唇膏同唇彩



韓風妝容一直都偏向清純同越簡單越好,而唇膏方面都會選擇裸色。小編今次就想推薦5款唔同牌子嘅大熱奶茶色唇膏同唇彩比各位行韓系風格嘅女生們,等你哋隨時隨地都可以擁有溫柔粉嫩嘅嘴唇!

相信唔少皮膚偏黑或偏黃嘅女生都好怕搽裸色唇膏會好奇怪,但小編都搵到啲啱呢種女生嘅唇膏,幫你打造自然唇色!



Tom Ford #108

如果你係屬於皮膚白嘅女仔就一定要試下呢枝Tom Ford出嘅 #108號色,佢係偏粉嫩,搽上嘴超顯白!



Dior #640 唇彩

想化一個素顏妝容,再搭配一款偏裸色嘅唇膏,咁就可以試下Dior嘅 #640號色,嘴唇偏深色嘅話用呢枝可以修正返唇色,令本來黑沉嘅嘴唇立即變得粉嫩!




Chanel Coco Flash #110 #116

Chanel呢兩款嘅質地都較為潤,所以就算嘴唇較乾都可以搽呢款。#110係偏奶茶色同比#116稍為深色小小,而#116就係屬於粉嫩系,如果係皮膚偏黑嘅女生可以試下 #110。



MAC MULL IT OVER 唇彩

皮膚偏黑偏黃嘅女生們注意!就算冇韓妹嘅白皙肌膚都可以輕鬆Carry裸色唇彩!呢款嘅唇膏搽上嘴又溫柔又有氣質,小編都忍唔住入手一枝。


圖片來源︰MAC, Chanel, Dior & NET-A-PORTER官網

沒有留言

Blogger 提供.