【中學停課】全港中學最遲下星期一起停面授課 多間中學有學生確診！下月24日起 教職員同訪客打咗針先可以入學校？

 

請Like我哋個Page：

生活提案事務所 Lifenews HK

隨住Omicron變種病毒蔓延，第五波疫情未見趨緩，加上聖若瑟英文中學、地利亞修女紀念學校（百老匯）、香港鄧鏡波書院等至少6間中學有學生確診，令要求中學停課嘅呼聲越嚟越高。而教育局亦喺琴日宣布，全港中學須於下星期一或之前，暫停面授課堂同所有校內活動，直至學校農曆新年假期。

局方指，喺暫停面授課堂期間，學校會彈性運用不同模式教學，令學生可以持續在家學習。而校舍須維持開放，照顧因家中乏人看顧而須回校嘅學生。

（圖片來源：政府新聞處）

而考慮到中六學生需要準備文憑試，局方亦容許中六學生回校，進行最多半日嘅必要學習同評核活動，但其他級別嘅校內考試同校園活動，就應該取消或延期。另外，局方亦去信全港學校，下個月24日起，教職員同訪客需要打至少一針，先可以進入學校。大家又點睇呢個措施呢？

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！