【叱咤2021】MIRROR狂掃8獎 姜濤雙料冧莊 揚言要做亞洲第一！欣宜連奪兩獎驚喜爆喊 爆金句：Oh My God You guys really like me!

 

請Like我哋個Page：

生活提案事務所 Lifenews HK

本年度「叱咤樂壇流行榜頒獎典禮」喺元旦晚上舉行，今年競爭可謂相當激烈，小編都睇到好緊張。而人氣男團MIRROR不負眾望狂掃8獎，包括「我最喜愛的組合」、「專業推介第二位」等等，人氣王姜濤更加蟬聯「我最喜愛的男歌手」同「我最喜愛的歌曲」大獎，絕對係當晚嘅大贏家！有別於上年嘅O嘴驚訝，今年姜濤自信滿滿，仲揚言「我哋一定會係亞洲第一！」，真係好有霸氣好型！

（圖片來源：my903.com 商業電台 @Facebook）

不過姜濤喺壓軸演唱《Dear My Friend,》嘅時候，就一時感觸泣不成聲。皆因呢首歌係姜濤為咗紀念亡友中鋒而唱，相信佢當晚唱Live嘅時候，難免會諗起同亡友相處嘅點滴，先會情緒失控，小編都覺得好心噏。事後姜濤喺後台接受訪問，都承認去到年尾特別掛住故人，又話自己爆喊「好似好樣衰」，不過相信大家都會理解佢係真情流露，反而令當晚嘅表演更有感染力。

（圖片來源：my903.com 商業電台 @Facebook）

除咗鏡仔之外，欣宜都憑住連串金句，成為當晚另一焦點。事關佢連奪「女歌手金獎」同「我最喜愛的女歌手」，連佢本人都相當驚喜，大嗌「Oh My God You guys really like me!」除咗搞笑之外，欣宜亦都感動發言，話自己一直都好介意畀人叫做「藝人鄭欣宜」，為咗爭取到唱歌機會，「連魔人布歐都扮過」，直到拎到金獎，終於換來「歌手鄭欣宜」嘅稱號，絕對係一個勵志故事。

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！