【韓娛圈淪陷！】韓國確診創新高 一星期內至少13偶像確診！Super Junior銀赫、孝琳、Kep1er金采炫等中招！

 

請Like我哋個Page：

生活提案事務所 Lifenews HK

變種病毒Omicron肆虐全球，除咗本港近日錄得過百宗確診之外，多個國家嘅確診數字亦急增！其中韓國連續兩日破一萬宗確診，創疫情爆發以來新高，韓娛圈亦都不能倖免。喺過去一星期，共有至少13名偶像確診，包括Super Junior銀赫、WINNER李昇勳、孝琳等等，而同屬6人男團嘅iKON同WEi各自有一半成員確診，多個綜藝節目同戲劇拍攝都緊急煞停！

（圖片來源：Instagram @superjunior）

（圖片來源：Instagram @xhyolynx）

其中孝琳同埋WEi嘅成員金東漢，都係綜藝節目《Double Trouble》嘅固定出演班底。而《Double Trouble》齊集2AM瑟雍、張賢勝、2NE1 Minzy等10名偶像，令外界擔心會唔會再有出演者染疫。目前草娥、Weekly金智珉、SF9仁誠同2AM瑟雍嘅檢測結果都係陰性，其他藝人就仲等緊檢測結果。

（圖片來源：Instagram @official.kep1er）

而最唔好彩嘅，就要數到選秀節目《Girls Planet 999》衍生嘅女團Kep1er。皆因2位成員坂本舞白同沈小婷早喺12月確診，令女團要延期出道。而出道未夠一個月，再有2位成員金采炫同徐永恩確診，相信團體活動一定大受影響。

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！