【瘦就係靚？】ViuTV破格真人騷《肥美人》參賽者資料公開 最肥Lezlie達270磅 BMI 43.3！

 

請Like我哋個Page：

生活提案事務所 Lifenews HK

繼《造美人》同《口罩小姐》之後，Viu TV再辦破格選美節目《肥美人》，勢要打破「瘦就係靚」呢句說話！喺10月中，節目組就公開招募BMI大過25嘅美人們，最終揀出29位參賽者。而今日節目組就公開咗佢哋嘅硬照同資料，邀請網民畀心心，投選最愛嘅美人直入16強！

雖然話係肥美人，但參賽者們嘅身型各異，BMI由25去到超過40都有。其中最「肥」嘅就係23歲嘅陳映同Lezlie，佢嘅體重係270磅，BMI去到43.3，係重量級選手。Lezlie現時係一名大碼Model，時常幫唔同品牌拍攝硬照，亦都接受過唔少媒體訪問，分享佢點樣學識接納自己，充滿正能量！

而暫時呼聲最高嘅就係26歲嘅「洋腸」，佢嘅體重159磅，同Lezlie相差足足111磅！「洋腸」憑住標緻嘅外貌突圍而出，網民都留言大讚佢「肥肥地都靚」。其實佢嘅BMI只有25.9，頂盡叫做微胖，淨係睇塊面根本睇唔出佢嘅真實體重，難怪會被睇高一線。

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！