【冧爆姜糖！】姜濤Sweet爆包禮物送畀姜糖！交由後援會抽獎送出 內含親筆簽名集資袋！

 

請Like我哋個Page：

生活提案事務所 Lifenews HK

MIRROR成員出名「寵粉」，其中人氣王姜濤更加係貼心又有Fans心；除咗日常關心姜糖排隊捱餓受凍，嚟到聖誕更加準備咗驚喜禮物回饋粉絲！早前佢就喺IG發文，表示自己準備咗幾十份禮物送畀姜糖，話以往成日收到Fans禮物，今次「換我送你們，希望你們喜歡」。最尾仲冧爆話「聖誕快樂，我的糖們」，相信姜糖們一定甜到漏！

（圖片來源：Instagram @keung_show）

圖中可以見到幾十份禮物都包得好精緻，仲有唔同嘅雪人同聖誕老人裝飾，可以話係落足心思！姜B除咗幫禮物們打卡拍大頭美照，最後仲派出「肥手指」同禮物們合影，似乎佢都好滿意自己「準備了很久」嘅傑作！

（圖片來源：Instagram @keung_show）

（圖片來源：Instagram @keungshowhkfanclub）

而幾十份禮物就經由「姜濤香港後援會」經直播抽獎送出，有抽到姜濤親筆簽名集資袋嘅粉絲話，開心到好似發夢！而唔少不幸落空嘅粉絲，都話抽獎過程好熱鬧同高興，就算抽唔到都好開心。姜濤呢個驚喜可以話係大成功！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！