【沈殷怡扭轉孱弱體質】沈殷怡 Shirley 分享回復健康秘訣！

 

請Like我哋個Page：

生活提案事務所 Lifenews HK

沈殷怡Shirley身為新一代ViuTV女神，憑住甜美外貌同埋驕人身材，一主持《美女郊遊遊》就人氣急升！不過睇Shirley而家咁活潑，原來佢細個體弱多病，成日都會肚屙、經痛，仲爛面，對佢造成好大困擾。直到佢遇到適合嘅中醫，幫佢調理身體，先變返而家嘅雞蛋肌！除咗久病成醫之外，Shirley仲曾經主持過ViuTV《中醫「症」解》，期間學習咗唔少同中醫有關嘅健康知識。今次佢就準備咗3個健康小貼士，希望可以幫到大家！

首先，Shirley習慣多飲熱飲，特別係花茶。佢提到，自己起身之後，同埋睡前都會飲一杯花茶，朝早嗰杯就注重提神，而夜晚嗰杯就會揀寧神助眠嘅花茶。而佢喺做嘢嘅時候，都會帶一個熱水壺裝茶，方便佢隨時可以飲到，工作都不忘養生。

另外， Shirley都話自己會多食蔬菜或者水果。佢形容，好多時長期喺外面工作，但係食飯盒又未必做到營養均衡，所以有時佢會帶啲蔬菜粉，或者買沙律菜返屋企食，補充纖維。最後，佢強調自己真係定期會睇中醫，認為就算大家冇病痛，定期進行調理、知道自己嘅體質都係好重要。

唔知以上呢啲小貼士幫唔幫到大家呢？如果想睇更多Shirley嘅健康心得，就要密切留意LifenewsHK同今期中醫生活啦！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！