【Netflix真人Show】韓版《慾罷不能》正式上架 即睇《單身即地獄》最高人氣成員

 

由韓國電視台JTBC同Netflix一齊製作嘅《單身即地獄》終於都開播，喺開播之前已經好令人期待，因為網民都稱《單身即地獄》為韓版嘅《慾罷不能》(Too Hot To Handle)。

節目將一班俊男美女聚集喺與世隔絕嘅島上面，然後再透過一啲節目安排嘅活動去了解大家。過程中一定會有人擦出愛火花，成為一對後，二人可以由「地獄島」去到「天堂島」，亦即係總統套房，同情人共度浪漫嘅一晚，相信觀眾最想睇嘅就係啲「驚心動魄」嘅「過界」情節！

入面有唔少成員喺節目播出後爆紅，當中仲有人有「翻版Jennie」之稱，令唔少男觀眾們都為佢而瘋狂，一齊嚟睇下仲有邊啲成員都擁有超高人氣！

宋智雅 @dear.zia

有「翻版Jennie」之稱，憑住精緻嘅五官同偶像氣質而吸引咗好多男觀眾嘅宋智雅係一名美妝YouTuber同Model，而且生於1997年嘅佢仲喺節目入面年紀最細參加者之一。佢嘅戀愛同吸引異性技巧都令唔少網民熱烈討論，網民都話佢係貓系女生，捉不到、摸不透嘅性格令人不自覺陷入佢嘅魅力，唔少女生都爭相話要學佢咁吸引靚仔Oppa！

申芝燕 @jiiiyeonie_

最有氣質成員一定非申芝燕莫屬，因為公公有阿茲海默症，所以佢喺多倫多選擇主修神經科學，孝順之餘仲擁有鄰家女孩嘅笑容再加上聰明嘅頭腦令網民認為佢係「完美女友」。

金賢中 @__1126.1

職業為Model，同埋經營緊自家健身房”Moodgym“嘅金賢中除咗有俊俏嘅外表，結實高大嘅身材都係亮點，而且喺佢陽光外表下文靜嘅性格都令人覺得佢充滿神秘感，令人更加想了解佢。

崔時訓 @ choi_hun2

鍾意鄰家男孩嘅女生們要留意啦！崔時訓雖然已經30歲，但佢可愛嘅外表同陽光嘅笑容依然收穫到唔少女Fans！小編望到佢嘅笑容都差啲比佢融化埋！

圖片來源︰IG@dear.zia,     @jiiiyeonie_,    @__1126.1,   @choi_hun2