【錯粉福音！】肥仔接受媒體專訪 自爆本來同保錡一齊入MIRROR！預告將推新歌 送畀一個人？

 

請Like我哋個Page：

生活提案事務所 Lifenews HK

MIRROR同ERROR同期出道，一個定位偶像男團，一個定位騎呢搞笑，風格非常鮮明。不過近日ERROR隊長肥仔接受美國華語電視節目《偶像名人堂》專訪，就大爆自己同保錡一開始係被歸納為MIRROR，但係公司忽發奇想，覺得「組隊ERROR有得搞」，肥仔都話「聽落鍾意ERROR多啲」，先有而家嘅「宇宙天團」。

（圖片來源：Instagram @fatboyip）

（圖片來源：Instagram @error.weare）

被問及4位成員近期都專注Solo發展，肥仔就話每個成員都有自己嘅魅力、個性同好睇之處，因此單飛嘅時候觀眾都會覺得好睇。而當4個人聚埋一齊，就係「1+1+1+1大於四」，會有多幾倍嘅能量，暗示ERROR仍然會以團體發展。佢亦都強調ERROR唔會加成員，「因為越多人，分得越少錢」，真係好誠實。

（圖片來源：Instagram @fatboyip）

而肥仔喺年初推出《Lady Killa》之後，一直未有新個人單曲推出。佢喺節目預告，未來會再出一首新歌送畀媽媽。佢憶述有一日發噩夢喊醒，夢入面爸爸媽媽過身，令佢驚覺屋企人好重要，「所以我希望呢首歌可以送畀媽咪，係自己嘅心願嚟嘅。」就咁聽已經覺得好催淚，希望可以快啲聽到肥仔嘅新歌！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！