【再有韓星中招！】「國民MC」劉在錫確診 中斷所有行程 9月打齊兩劑疫苗 照「突破性感染」

 

請Like我哋個Page：

生活提案事務所 Lifenews HK

上月韓國政府宣布放寬防疫措施之後，疫情隨即反彈，單日確診一度突破7000宗，非常嚴峻。隨住疫情升溫，多個韓星亦相繼確診，包括Super Junior始源同神童、Blackpink Lisa同演員尹恩惠等等。而喺琴日「國民MC」劉在錫亦都證實確診新冠肺炎，令到一眾韓迷都好擔心。

（圖片來源：Instagram @antenna_official）

根據韓媒報道，劉在錫因為同確診者有密切接觸，而接受病毒檢測，喺第二次檢測就出現陽性結果確診。而劉在錫早喺9月底，已經打齊兩劑疫苗，今次嘅情況同Blackpink Lisa一樣，係屬於「突破性感染」。而早喺佢證實確診之前，佢已經因為安全起見，取消出席《Running Man》拍攝，同埋韓國「綜藝教父」李敬揆女兒嘅婚禮，避免兩場群聚感染，高度防疫意識獲韓網民激讚！

（圖片來源：Instagram @antenna_official）

現時劉在錫已經全面停工接受隔離，缺席多個綜藝節目拍攝，亦預計無法出席本月18日嘅SBS演藝大賞，小編都覺得好可惜。不過健康始終係第一位，希望劉大神快啲好返，新一年為大家帶嚟更多優質嘅節目！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！