【MBC演技大賞2021】《衣袖紅鑲邊》奪8獎成大贏家！2PM俊昊首奪男主角獎 大前輩南宮珉憑《黑色太陽》奪大賞

 

請Like我哋個Page：

生活提案事務所 Lifenews HK

年尾唔少得各個頒獎禮星光熠熠，而韓國MBC電視台嘅演技大賞亦喺琴晚完滿舉行。今年嘅MBC演技大賞被譽為《衣袖紅鑲邊》同《黑色太陽》之爭，年尾播出嘅《衣袖紅鑲邊》氣勢如虹，即使仲未播出大結局，已經橫掃8獎成為大贏家！除咗獲封為「年度電視劇」，男女主角李俊昊同李世榮亦大熱奪得「男子最優秀演技賞（迷你系列劇部門）」同「女子最優秀演技賞（迷你系列劇部門）」。

（圖片來源：MBCdrama @Youtube）

值得一提嘅係，俊昊係偶像團體2PM出身，多年來憑住努力打破大眾對「偶像零演技」嘅偏見，令身為粉絲嘅小編都覺得好驕傲。而俊昊喺發表得獎感言嘅時候亦都好謙虛，佢提到自己雖然對拎獎有所期待，但係獨處嘅時候，經常會反思自己嘅演技值得攞到咩獎，經常想要做得更好。佢亦憶述上次以《金科長》得到「男子優秀演技賞」，但當時淨係望住地下發言，冇辦法享受到典禮嘅氛圍；今次雖然都覺得自己未值得拎到男主角獎，但會用幸福同感恩嘅心情接受。

（圖片來源：MBCdrama @Youtube）

而今年嘅大賞就係由大前輩南宮珉憑藉《黑色太陽》奪得。佢透露呢套劇喺技術方面用咗好多時間，導演甚至今日都會同佢傾兩個鐘電話，去商討點樣先會拍得更好。有咁精益求精嘅演員同埋劇組成員，難怪會有咁高質嘅作品！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！