【突發!】大J移居日本 拍片解說移居5大原因

 

請Like我哋個Page：

生活提案事務所 Lifenews HK

突發!隨住呢兩年愈嚟愈多人選擇移民離開香港，YouTuber大J突然喺社交平台宣佈同老婆同屋企兩隻貓仔移居日本，短時間內都未會有回港打算。由於種種原因，事前只有極少人知道此事。而大J都特別拍咗條影片同粉絲解說佢決定移居嘅原因。

 1.老婆好耐無番過家鄉

大J嘅太太Mai San係日本人，由於疫情持續兩年有多，太太都有兩年無番過日本。如果太太要來回香港同日本之間，兩地都需要數星期嘅隔離，又有特別限制，因此兩夫婦決定短暫將生活據點搬去日本。

2.困在香港拍片題材愈來愈少

第二原因係因為疫情關係已被困香港兩年之久，而疫情開始之前，大J嘅拍片題材多數都係記錄出埠旅行嘅所見所聞。因此，無得去旅行令身在香港嘅大J拍片題材愈嚟愈少，喺日本展開新生活無疑係觀眾可能感興趣嘅主題。

3.準備生仔 日本補助制度較完善

而另一原因點解會移居日本係因為大J夫婦一直都有計劃生仔，開頭想等到小朋友小學畢業先番日本，奈何一直都未懷孕，為此仲花費咗6位數，經濟上有一定壓力，而日本政府對國民生育制度嘅補助比較完善，因此都係大J夫婦決定移居原因之一。

4.言論受到規犯 

除此之外，大J感香港近年來對言論嘅自由比較敏感，好多時候做遊戲直播或者係任何公開平台發布個人言論前都要思前想後，為免因為失言而惹上麻煩。大J坦言佢為人直率，有嗰句講嗰句，覺得精神壓力會頗大。

5.政治原因想逃離香港抖氣

大J坦言唔會改變政治立場，移居日本同時都係想逃離一下香港一至兩年「行開一下」當係散心咁。

佢抱歉無事前向粉絲透露移居日本，因避免節外生枝產生麻煩。而大J同太太離開香港前幾日都有同香港美食做「最後道別」。佢哋就去咗西營盤食omakase，又食咗西多士同飲香港奶茶。日前，大J都係社交平台「報平安」，佢同太太同兩隻貓仔已經安全到埗。

 

請Like我哋個Page：

生活提案事務所 Lifenews HK