【全民造星IV】「Lokwoman」Gao領軍 B組壓軸勁舞超炸場！Viu TV 徵女團名 網民串爆偏心方方：十人女團就叫「十方者」

 

請Like我哋個Page：

生活提案事務所 Lifenews HK

話咁快第四回合就嚟到尾聲，嚟到最關鍵嘅決勝局，B組導師梁祖堯就派出王牌Item「One Night Only」應戰。由「Lokwoman」Gao領軍同埋編舞，加埋暐翹、馬欣、方方、東東等一眾「舞將」，就算係純跳舞都夠哂精彩，釗峰就話想幫佢哋拉埋煙花，欣宜直情睇到感動流淚。

（圖片來源：ViuTV @Youtube）

而A組就全員上陣合唱，以感性嘅「畢業作品」為呢一回合畫上句號。雖然評判們都大讚A組嘅表演完整同好睇，但欣宜亦都指出佢哋歌唱上有瑕疵，亦都有甩嘴唔齊嘅情況。最後B組就成功以五盞燈勝出，取得最後勝利，亦成功保住死亡名單上嘅暐翹。

（圖片來源：ViuTV @Facebook）

而賽事進入最後直路，女團即將誕生。Viu TV就公開喺Facebook徵集女團名，最有創意嘅100位觀眾，更加可以獲得12月25日總決賽嘅決賽名額2個！不過就引來唔少網民串爆節目偏心方方，提議女團要叫「十方者」、「累街方」、「圓方」，Mean得嚟真係好好笑。

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！