【全民造星IV】Jer組得213.2分包尾 Jer自責崩潰痛哭！20強名單出爐 方方子涓終於出局！
請Like我哋個Page：
《全民造星IV》嚟到最後一輪分組賽，原本A組B組嘅導師許廷鏗同梁祖堯正式退位，聯同花姐同Wing一齊做評判。而小組導師就由MIRROR同ERROR成員擔任！五組女生分別由肥仔、Dee、Anson Kong、Lokman同Jer帶領，全力爭取進入決賽嘅機會。而喺上集AK組同Dee組分別以248分同236.6分暫時落後，不過Jer組壓軸出場，表演被花姐狠批，最後得213.2分包尾！Jer亦因此自責崩潰爆喊，真係心痛死小編啦。
（圖片來源：Viu TV官網）
Jer組嘅表演以前世今生為題，無論喺服裝、化妝、道具都落足心思，而組員發揮都相對穩定。不過表演就畀花姐狠批，指佢哋太貪心，喺台上面太忙碌，令佢分心唔想再睇落去。但係因為表演完整度高，各組導師都猜測分數應該中規中矩、唔會太差，點知最後竟然得213.2分包尾，導師們都好錯愕，AK同Lokman更加要求要睇分紙。而Jer喺幕後更加自責到崩潰爆喊，向花姐哭訴覺得唔公平，但係仍然冇辦法改變落敗嘅事實。
（圖片來源：Viu TV官網）
（圖片來源：ViuTV @YouTube）
最後AK組同Jer組最低分，共有5位成員要被淘汰。一直被網民諷刺為「不敗」嘅方方同子涓，今輪就齊齊出局，再次同決賽舞台擦身而過！不過今次網民竟然唔係一面倒開香檳慶祝，皆因唔少網民都認為，兩人身在嘅Jer組表演好睇同完整，「點都唔可能係最低分」，亦都好多人戥出局嘅阿蛋、同埋落足心機嘅Jer唔抵。
（圖片來源：Instagram @jeremylaous）
事後Jer亦有喺IG發千字文抒發感受，直言「好多時評判都非常主觀」，又解釋傷心嘅原因，係唔忍心見到努力嘅組員們，因為制度而要離開舞台，甚至有機會放棄夢想。Jer最後更勉勵被淘汰嘅成員，唔好畀節目打低，「應承我要繼續追夢ah！」真係好sweet！
請Like我哋個Page：
你也有精彩的人和事跟我們分享？想查詢廣告合作？請Inbox話我哋知！
Leave a Comment