【全民造星IV】皇牌A1創意「狼人殺」大獲全勝！「執生王」Sica被Foul 粉絲：人神共憤！

 

請Like我哋個Page：

生活提案事務所 Lifenews HK

喺第三回合小組對決，A組B組鬥到難分難解；而喺最後決勝一輪，許廷鏗就派出皇牌A1應戰。A1四位成員Marf、Win Win、So Ching同CK都係個性實力兼備嘅選手。佢哋喺自選項目同指定項目都有超水準發揮，幫A組取得第三回合嘅最終勝利。而輸咗嘅B組，需要再揀5個人出嚟淘汰，令到又一名人氣選手爆冷出局！想知道係邊個，就要睇埋落去啦。

（圖片來源：ViuTV @Youtube）

實力強勁嘅A1，喺賽前已經被許廷鏗形容為「令人目不轉睛嘅皇牌」。佢哋喺自選項目用「狼人殺」串連舞蹈表演，得到評判一致好評，卓韻芝更加覺得佢哋可以同MIRROR片過！而指定項目係要演唱欣宜嘅《救命歌》，雖然A1其中三個成員都係Dancers，冇受過專業歌唱訓練，但係憑住「神隊友」CK嘅出色編曲，佢哋仍然力保不失，最後更成功以五盞燈擊敗B2！

（圖片來源：Viu TV官網）

（圖片來源：Instagram @j.sicasi）

而輸咗嘅B組，導師梁祖堯就要再揀5個人出嚟淘汰，其中人氣選手Sica竟然被Foul，令到網民都大感不值。Sica喺上一輪表演嘅雖然不慎跌落樓梯，但佢順勢喺地下擺動身體再起身，超淡定表現連花姐都大讚叻女，最後亦勝出小組對決。網民們都唔明白點解Sica贏咗都要被淘汰，佢嘅粉絲更加形容呢個賽果係「人神共憤」！

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！