【全民造星IV】20強誕生！聖誕節正日九展進行決賽 盛傳李嘉欣將擔任決賽星級評判？
請Like我哋個Page：
經過多輪激戰，《全民造星IV》嘅20強終於誕生！因為今屆係選女團，最後出道人數唔可以太少，所以20強選手將可以直接晉身決賽。而總決賽將會喺12月25日聖誕節喺九展舉行，小編已經約埋一班FD，嗰晚坐定定睇電視，見證女團出道！
即睇20強名單：
（圖片來源：Instagram @viutv）
而按照以往慣例，每屆《造星》總決賽都會請嚟一班星級評判，而外界盛傳今屆陣容將包括「大美人」李嘉欣。據聞佢因為係鏡粉，亦都欣賞Viu TV搞節目嘅創意，所以一口答應Viu TV邀請，為提攜後輩出一分力。
（圖片來源：Instagram @michele_monique_reis）
（圖片來源：Instagram @iamkingjer）
不過網民們聽到呢個消息，就聯想起網上流傳嘅「李嘉欣爆粗事件」，都紛紛惡搞留言「恭喜你簽到依個X女人！」、「同冠軍講聲: 我真係恭喜你呀」，「好似人地梁祖堯咁咁癡心情長劍，可以樣樣野都為晒方方去做，咁樣做對於你來講係侮辱你既智慧係_居丫嘛！」。睇嚟唔少網民都好期待，大美人會對成功出道嘅女生們給予啲咩祝福。
請Like我哋個Page：
你也有精彩的人和事跟我們分享？想查詢廣告合作？請Inbox話我哋知！
.png)
.png)
Leave a Comment