【全民造星IV】吳雨霏出山做評判 IG發文親揭原因
請Like我哋個Page：
Kary (吳雨霏) 自2015年下嫁相戀8年初戀男友洪立熙後三年抱兩，之後就一直回歸家庭生活，專心相夫教子，甚少演出幕前及出新歌。而最近Kary就為ViuTV選秀節目《全民造星IV》擔任第三輪對決嘅評判，唔少觀眾都表示好耐無見Kary啦，對於佢出山做女團評判都感到十分驚喜。
而Kary喺前日都喺IG到出Post親自剖白做評判嘅原因，原來佢已經有十年無上過電視啦，想專心家庭生活嘅佢原本都無動力想再做嘢，但一聽到要幫女團做評判時就好心動，因此唸返起20年前嘅佢得15歲，就已經喺商台一個Clean & Clear唱歌比賽入行再加入女團Cookies。而見到《造星IV》嘅一班女仔熱血追夢就唸起當年嘅自己，不知不覺間就想幫佢哋，希望藉住評判呢個位置可以同佢哋分享曾經組過女團嘅經驗，而佢都相信參賽者們可以非常努力，會做得到女團呢件事。
IG Post一出後粉絲們都留言話好開心見到佢做評判，又話好期待Kary可以復出幕前，唔知之後會唔會重燃Kary對幕前嘅興趣呢，大家都好期待啊!
z
請Like我哋個Page：
Leave a Comment