【無綫主播離職潮】年底再有兩主播離巢！「一姐」李文欣低調離職 劉鳴煒舊愛趙慧奈IG發離別感言

 

請Like我哋個Page：

生活提案事務所 Lifenews HK

今年無綫頻頻有主播離職，繼早前新聞小花林可瑩因健康問題離職之後，近日明珠台主播趙慧奈亦高調宣布離巢。佢喺IG大曬花束、禮物同告別片段，表明前晚嘅《News Headline》係佢嘅「告別作」，又話對呢四年嘅一切都好感恩，同透露已經搵到新工。

（圖片來源：Instagram @keinachiu）

趙慧奈喺IG以英文發文，指無綫主播係佢嘅第一份工作，喺到經歷咗四年時光。佢又形容過去幾個月自己非常情緒化，暗示有另一公司向佢伸出橄欖枝，令佢非常掙扎係咪要放棄做主播。（”I agonized over the decision to move on from one dream job to the next.”）從佢毅然離職嘅決定，相信佢已經諗好要投身新公司，唔知未來仲有冇機會喺幕前見到佢呢？

（圖片來源：TVB 官網）

另外，無綫主播組組長李文欣有傳已經喺今個月初低調離職，原本由佢負責嘅《香港早晨》，已經由麥詩敏接棒，並由賴君蕊同埋周可茵替更。連同早前已經離職嘅王俊彥、賴凱靖、徐俊逸同何駿彥，今年無綫總共有7位主播離職，小編都祝福各位前主播前程似錦，喺2022有個新開始。

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！