【注意家居防盜！】 馬鞍山恆安邨居民慘遭入屋爆竊 FB發文批管業處冷處理！

 

請Like我哋個Page：

生活提案事務所 Lifenews HK

年近歲晚，係入屋爆竊案嘅高峰期，近日就有一名馬鞍山恆安邨恆星樓居民，慘遭賊人入屋「爆格」，損失咗超過5萬蚊財物！事主事後喺Facebook群組「馬鞍山之友」發文，提醒街坊們提高警覺。事主翻查CCTV影片，發現賊人非常猖狂，曾經用力拍門同嘗試強行扯開鐵閘，甚至驚動鄰居，最後喺窗外爬牆入屋得手。

（圖片來源：馬鞍山之友 @Facebook）

事主憶述，喺上星期六夜晚大約8點半，賊人用力拍門持續超過五分鐘，甚至試圖強行扯開鐵閘，但係唔成功，期間仲有街坊問賊人發生咩事。而賊人極為猖狂，蒙混過關之後，仲同街坊講「唔該晒拜拜」。最後賊人改為從窗外爬到花槽，再撬開窗戶入屋爆格。

（圖片來源：馬鞍山之友 @Facebook）

事主提到，事件發生後有報警同通知管業處，希望管業處會加大力度，提醒居民小心提防。但係之後只係見到一張例行歲晚冬防通告，「隻字未提及已有住戶‘奶野’」，管業處主任更加話係刻意冷處理、低調行事，避免引起居民恐慌！事主批評管業處嘅做法「完全成為事件幫兇」，令賊人可以更加肆無忌憚繼續「搵食」。

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！