【人氣美式甜品】 超人氣Cinnabon主打不同口味肉桂卷 聖誕限定迷你抹茶紅豆卷



臨近聖誕節,可能好多人都會諗起歐洲市集入面熱鬧嘅氣氛同充斥住聖誕市集嘅肉桂香氣,所以一到冬天,小編都會好想食暖笠笠嘅肉桂卷。原味大家就食得多啦,但你又有冇諗到,原來除咗最傳統嘅原味,仲可以有其他味揀?



人氣肉桂卷店Cinnabon登陸咗香港一年已經開咗幾間分店,咁就知道佢哋有幾受歡迎!為咗迎合聖誕節,Cinnabon推出咗期間限定嘅迷你抹茶紅豆卷,喺煙韌嘅肉桂卷入面包住咗香甜嘅紅豆蓉,再鋪上嚴選日本抹茶忌廉芝士醬同上等紅豆,口感超豐富!抹茶控千祈唔好錯過。



佢哋唔係淨係得肉桂卷賣,仲有咖啡飲!身為人氣肉桂卷店,又點會得普通咖啡!Cinnamon Roll Cold Brew係佢哋特別推出,飲落帶肉桂同焦糖味,啱晒鍾意甜嘅女士們,小編平時唔多飲咖啡都好鍾意!



佢哋嘅招牌肉桂卷十分鬆軟,除左有滿滿嘅肉桂香味仲帶有麵粉香,加埋上面嘅招牌Cream Cheese糖霜雖然好邪惡,但真係忍唔住一啖接一啖!係小編食過最好食嘅Cinnamon Roll

 


Cinnabon

奧海城店:

大角咀海庭道18號奧海城二期地下G06號舖

 

東薈城名店倉店:

東涌達東路20號東薈城名店倉2298號舖

 

銅鑼灣店:

銅鑼灣勿地臣街14號地舖 

沒有留言

Blogger 提供.