【隱世打卡好去處】唔使去韓國！藍田公園現大片「紫芒草田」超浪漫唯美 「紫芒草」原來唔係芒草？

 

請Like我哋個Page：

生活提案事務所 Lifenews HK

秋冬一向都係賞芒草嘅最佳時機，除咗大家成日去嘅大東山，以往唔少人都會喺10月尾去韓國旅行，去首爾天空公園一睹紫芒草嘅美態。但係疫情持續，想去旅行唔知要等到幾時，喺通關之前，可以去藍田嘅「紫芒草田」打住卡先！

（圖片來源：Facebook @Tony Sze授權）

近日攝影師Tony Sze喺FB群組「香港風景攝影會」，分享一片位於藍田公園嘅隱世「紫芒草田」，仲話紫芒草喺唔同時間同光線下，會呈現出唔同色彩，非常迷人。相中可以見到，「紫芒草」喺太陽光下好似識發光咁，超夢幻唯美！而「紫芒草田」位於藍田公園近馬游塘中嘅休憩處，相對大東山嚟講易行得多，就算平時冇行開山都唔需要擔心。

交通：
藍田港鐵站B出口，轉乘巴士215X或 216M路線於碧雲道下車；

或乘坐巴士16, 603, 603S, 889, N216路線；

或專乘線小巴 63 號(廣田邨至觀塘裕民坊) 或 24號(藍田至鯉魚門)。

（圖片來源：Facebook @Tony Sze授權）

不過原來呢啲「紫芒草」並唔係真嘅芒草，而係紫穗狼尾草。兩者嘅形態同埋外觀都好相似，不過分別在於芒草通常生長喺海拔高嘅山上，而狼尾草就係生長喺平地，所以賞狼尾草嘅難度都會低好多，啱哂一家大細郊遊。

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！